​IAY न’नि थिखादारफोर

मनजिब मुछाहारि

IAY न’नि थिखादारफोर

बेरेफुंजानि समाव
लैहोर-लैहोर हनै
होववाफोर, हिनजावफोर
दावगालांदों हांगो-दोंगो
बासजों, ताकसिजों, रेलगारिजों
बर’ रायजोनि राजथावनियाव।
मिनि हारा हारा बयबो, थिखादारफोरा
जिखलाबसे फाइल लायै लायै
दंओ जेराव बिदानि, बिबाजैनि,
बिगुमैनि, बिमायनि, गावनि,
परियालनि, बिहारिनि मुं फारि फारि।
सम गैया रावहाबो रायलायनो
आमबारु-जामबारुनि,
गोरिब गुनदा्नि मुंथिसननो,
अनसायनो हावरियाफोरखौव।
रां बारायदोंनो आईएवाय न’नि
बेखोवनो लाना जादों गुलाय-गुजाय,
गामिजों गामि, नखरजों नखर,
थिखादारजों थिखादार नेवसिलायनाय।
ओंखारबाइ साबै् साबबा दालाल
गंसे गामिआवनो, रां सोबखनो।
सोरबाबा मोनबाय नखर गंसेआवनो
गंनै गंथाम, गंबै् गंबा मोनदों
खेबसे नंआ, खननै नंआ,
लुनायखौवनो लुगासिनो गले गले।
सोरनियाबा अखाहादैजों
बायलांदों सानसे सानैआवनो,
खायसेनिया बुखे्ब जदों
फोरलां-फोरथां, बारजों।
रंजादों बेखोवनो लानानै
गामि गामि थिखादारफा्
जोव सेरेब लोंयै लौंयै
बरनि हालामाव,
हनै सान हर।

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Create a free website or blog at WordPress.com.

Up ↑

%d bloggers like this: